Bookish

ನಾನು ಶಾಲೆಯಲ್ಲಿ ಕಲಿಯುತ್ತಿದ್ದಾಗ ಅಪ್ಪನ ಜೊತೆ ಬಾಬಾ ಬುಡನ್ಗಿರಿಗೆ ಹೋಗಿದ್ದೆ. ಅಲ್ಲಿನ ಪರ್ವತಗಿರಿ ಶ್ರೇಣಿ , ಮಂಜು ಮೋಡ, ತಣ್ಣನೆಯ ಅನಾಮಿಕತೆ, ದಾರಿಯಲ್ಲಿ ಶಿಥಿಲಗೊಂಡು ಬಿದ್ದಿದ್ದ ಶೆಡ್ ಮನೆಗಳು, ಮುರಿದಿದ್ದ ಕೈಮರ, ಐದು ಮೀಟರ್ ಮುಂದೆ ಬಿಲ್ಕುಲ್ ಕಾಣದ ಹಾದಿ, ಮುಂಜಾವಿನಲ್ಲೂ ಕವಿದಿದ್ದ ಮಬ್ಬುಗತ್ತ್ಲು, ಕೊರೆವ ಮುತ್ತಿನಂತೆ ಉದುರುವ ಮಾಣಿಕ್ಯಧಾರಾ ಜಲಪಾತ, ಜಾರುನೆಲದ ಮೇಲೆ ಜೀವ ಬಾಯಿಗೆ ಬಂದಂತೆ ಮಾಡಿದ ಸ್ನಾನ, ದತ್ತರ ಗುಹೆ, ಅಲ್ಲಿಗೆ ಬರುತ್ತದೆಂದು ಗುಮಾನಿಯಿರುವ ಹುಲಿ, ಜೈಲಿನಂತ ಗುಹೆಯ ಹೊರಗಡೆಯ ಬಾಬಾ ಸಾಬರ ಗೋರಿಗಳು, ಅಲ್ಲಿದ್ದ ಮುಲ್ಲಾ ಒಬ್ಬರು ಕೊಟ್ಟ ಅದೆಂತದೋ ನಾಲ್ಕು ಬೀಜದ ಕಾಯಿಗಳು …ನನ್ನ ಸ್ಮೃತಿಯಲ್ಲಿ ಹಾಗೆಯೇ ಇದೆ. ಕಾಲೇಜಿನಲ್ಲಿದ್ದಾಗ ಇದೇ ದತ್ತ ಪೀಠದಲ್ಲಿ ಆಗಾಗ ನಡೆಯುತ್ತಿದ್ದ ಜಟಾಪಟಿ, ದತ್ತಮಾಲಾ ಅಭಿಯಾನ, ಹಿಂದೂ ಮುಸ್ಲಿಂ ಪ್ರಕ್ಷುಬ್ಧ ಪರಿಸ್ಥಿತಿ, ಪ್ರಗತಿಪರರೂ ಸಂಘದವರಿಗೂ ನಡೆಯುತ್ತಿದ್ದ ಮಾತಿನ, ತೋಳ್ಬಲದ ಗುದ್ದಾಟ, ತಲೆಕೆಡಿಸಿ ಕೂರುತ್ತಿದ್ದ ಜಿಲ್ಲಾಡಳಿತ, ಅದನ್ನು ಮತ್ತೆ ಮತ್ತೆ ತೋರಿಸುತ್ತ ಅವರಿವರನ್ನ ಸಂದರ್ಶನ ಮಾಡುತ್ತಿದ್ದ ಮೀಡಿಯಾ, ಒಬ್ಬೊಬ್ಬರ ಹಿನ್ನೆಲೆ, ಹುನ್ನಾರವೇನು ಎಂಬುದನ್ನು ಅರ್ಥಮಾಡಿಕೊಳ್ಳಲಾರದ ವಯಸ್ಸು , ಆಮೇಲಾಮೇಲೆ ತಿಳಿದ ಒಂದೊಂದೇ ವಿಷಯಗಳು, ತಿಳಿಯದೇ ಉಳಿದುಹೋದ ನೂರಾರು ಮಜಲುಗಳು ಇವೆಲ್ಲವೂ ಮಹೇಂದ್ರ ಕುಮಾರರು ಬರೆದು, ನವೀನ್ ಸೂರಿಂಜೆಯವರು ಮೂಲ ಆಶಯಕ್ಕೆ ಚ್ಯುತಿ ಬಾರದ...

ಮೊನ್ನೆ ಫೇಸ್ಬುಕ್ನ ಆಫ್ರಿಕಾದ ಒಂದು ಸಾಹಿತಿಕ ವಲಯದಲ್ಲಿ ನೈಜೀರಿಯಾದ ಇಬ್ಬರು ದಿಗ್ಗಜ ಬರಹಗಾರರಲ್ಲಿ ಯಾರು ಶ್ರೇಷ್ಠ ? ಚೀನುವ ಆಚಿಬೆಯೋ ಅಥವಾ ವೋಲೆ ಸೋಯಿಂಕಾನೋ ಎಂಬ ವಿಷಯದ ಬಗ್ಗೆ ಚರ್ಚೆ ನಡೆದಿತ್ತು.  ಚೀನುವಾ ಅಚಿಬೆ ಕವಿ, ಕಥೆಗಾರ, ಕಾದಂಬರಿಕಾರನಾಗಿ ಗುರುತಿಸಿಕೊಂಡರೆ ವೋಲೆ ಸೋಯಾಂಕಾನ ಪ್ರಧಾನ ಆಸಕ್ತಿ ನಾಟಕಗಳು …he is a playwright !  ಆಫ್ರಿಕಾದಿಂದ ಹೊರಗಿರುವ ಹೆಚ್ಚು ಜನರಿಗೆ ಅಚಿಬೆಯ things fall apart, the arrow of god , man of the people (African trilogy) ನ ಬಗ್ಗೆ ಹೆಚ್ಚು ಗೊತ್ತಿರುವುದೇ ಹೊರತು ವೋಲೆ ಸೋಯಂಕಾನ ನಾಟಕಗಳು ಅಷ್ಟು ತಿಳಿಯವು. ಅಷ್ಟೇಕೆ ಆಫ್ರಿಕಾದ ಒಳಗೇ ಅಚಿಬೆಯೇ ಹೆಚ್ಚು ಜನಪ್ರಿಯ ಎನ್ನುವುದು ಅಲ್ಲಿ ಒಬ್ಬರ ವಾದ. ಮತ್ತೊಬ್ಬರು ಅವರಿಬ್ಬರ ವಿಚಾರಗಳ ಬಗ್ಗೆ ಬರೆಯುತ್ತಾ ಅಚಿಬೆ ಸಾಮ್ರಾಜ್ಯಶಾಹಿಯ ವಿರುದ್ಧ , ವಸಾಹತುಶಾಹಿಯ ವಿರುದ್ಧ, ನಮ್ಮಲ್ಲಿನ ಅಮಾಯಕತೆಯ, ಅವ್ಯವಸ್ಥೆಯ ವಿರುದ್ಧ ಬಹು ನಿಷ್ಠುರವಾಗಿ ಬರೆದರೆ ಸೋಯಂಕಾನ ಬರಹಗಳಲ್ಲಿ ನಮ್ಮ ಮೂಡನಂಬಿಕೆ, ಕಂದಾಚಾರ, ಶೋಷಣೆಯ ಬಗ್ಗೆ ಹೆಚ್ಚೆಚ್ಚು ಬೆಳಕುಚೆಲ್ಲಲಾಗಿದೆ ಮತ್ತು ಸಾಮ್ರಾಜ್ಯಶಾಹಿಯ ಅಟ್ಟಹಾಸ, ಮನುಷ್ಯರನ್ನು ಮೃಗಗಳಂತೆ, ಜೀತದಾಳುಗಳಂತೆ ನೋಡಿದ, ಸಂಪತ್ತುಗಳನ್ನು ದೋಚಿದ ವಸಾಹತುಶಾಹಿ ವ್ಯವಸ್ಥೆಯ ಬಗ್ಗೆ ಮೃದು ಧೋರಣೆಯಿದೆ ಎಂಬುದು. ಇದಕ್ಕೆ ಪ್ರತಿಕ್ರಯಿಸಿದ ಮತ್ತೊಬ್ಬರು ಈ ಕಾರಣದಿಂದಲೇ ಅಚಿಬೇಗೆ ನೊಬೆಲ್ ಪ್ರಶಸ್ತ...

 This is the story of a financial analyst in upstate New York who despite being in a high profile job of 6 digit salary and plum perks wanted to do something to change the world. This led him to various voyages (literally and otherwise) across the world finally deciding to start a school in Laos followed by many there and in Africa, Latin America and now 500 schools to his and his teams credit.  All started with asking a child in India during his trip “ what is that one thing you want most in the world ?”  And that child telling him “ A Pencil ! “ which started a revolution called “ Pencils of Promise “  One must read this book - no matter their age, affiliation,  country or beliefs if they believe education can bring the necessary change in the world!

ಹೆದ್ದಾರಿಗಳ ಹಾಯ್ದು ಊರ ಬಗ್ಗೆ ಅಲ್ಲಿನ ಜನರ ಬಗ್ಗೆ ಫರ್ಮಾನು ಕೊಡುವ ನಾವು ಸಾವಧಾನವಾಗಿ ವಸ್ತು ಸ್ಥಿತಿಯನ್ನು ಗ್ರಹಿಸುವುದು ಕಮ್ಮಿ.  ಹಾಗೆಯೇ ಒಂದು ಕಡೆ ಪ್ರವಾಸ ಹೋಗಿ ಅಲ್ಲಿನ ಪ್ರೇಕ್ಷಣೀಯ ಸ್ಥಳಗಳು, ಊಟ , ಉಡುಗೆಯ ಬಗ್ಗೆ ಲಗೂನ ಬರೆದು ಬಿಡುವ ಚಾಳಿಯೂ ಉಂಟು.  ಇಂತಹ ಸಂದರ್ಭದಲ್ಲಿ ಪ್ರವಾಸ ಕಥನವನ್ನು ಚಿಂತನವನ್ನಾಗಿಸಿ ಒಂದು ಜಾಗದ ಸಂಸ್ಕೃತಿ, ಸಾಮಾಜಿಕ, ರಾಜಕೀಯ ಸ್ಥಿತ್ಯಂತರಗಳು ಮತ್ತು ಸಾಮಾನ್ಯರ ಅಭಿಪ್ರಾಯ, ತಲ್ಲಣಗಳನ್ನು, ಬದುಕಿನ ಬಗೆಯನ್ನು, ಹೊರಗಿನವರ ಮುಂದೆ ತೆರೆದುಕೊಳ್ಳ ಬಹುದಾದಷ್ಟೇ ಬಾಗಿಲು ಮತ್ತು ಕಾಪಾಡಿಕೊಳ್ಳುವ ಅಂತರ, ಪ್ರೀತಿ, ಯುದ್ಧ, ಧಾರ್ಮಿಕ ಕಟ್ಟಳೆ ಹೀಗೆ ತಮ್ಮದೇ ಆದ ಸಹಾನುಭೂತಿ ಬೆರೆತ ಆದರೆ ವಸ್ತುನಿಷ್ಠವಾದ ಬರಹಗಳು ಇಲ್ಲಿವೆ.  ಇಸ್ರೇಲ್ ಪ್ಯಾಲೆಸ್ಟೈನ್ ನಿಂದ ಮೊದಲ್ಗೊಂಡು ಸ್ಲೊವೇನಿಯಾ, ಈಜಿಪ್ಟ್, ಕ್ರೊಯೇಷಿಯಾ, ಮ್ಯಾಕಾಡೋನಿಯಾ, ಜೋರ್ಡಾನ್ ಮುಂತಾದ ದೇಶಗಳ ಕುರಿತಾದ ಚಿಂತನೆ ಹಾಗೆಯೇ ಭಾರತೀಯ ಕಲಾವಿದರುಗಳ, ಸೂಫಿಗಳ ಬಗೆಗಿನ ಚಿತ್ರಣವೂ ಇಲ್ಲಿದೆ.  ಒಟ್ಟಿನಲ್ಲಿ ಈ ಎಲ್ಲ ಬರಹಗಳ ಮೂಲ ಧಾತು ಜೀವನ ಪ್ರೀತಿಯೆಂದರೆ ಅದು ಸೂಕ್ತ ಅನ್ನಿಸುತ್ತದೆ

 ನಾನು ಗ್ರೇಟಾ ಥನ್ಬರ್ಗ್ ಅಭಿಮಾನಿಯಲ್ಲ. ಆದರೆ ಅವಳ ಹಲವು ಮಾತುಗಳನ್ನು ಕೇಳಿದ್ದೇನೆ. ನನ್ನ ಫೀಲ್ಡ್ ಆಫ್ ಸ್ಟಡಿ ಕೂಡ ಆಗಿರುವುದರಿಂದ ಹವಾಮಾನ ವೈಪರೀತ್ಯ ಮತ್ತು ಜಾಗತಿಕ ತಾಪಮಾನ ಏರಿಕೆ ( ಅಥವಾ ಹೇರಿಕೆ !) ಯ ಬಗ್ಗೆ ಸಿಗುವುದೆಲ್ಲವನ್ನೂ ಓದುತ್ತಾ ಇರುತ್ತೇನೆ. ಇದು ನನ್ನ ಕೆಲಸ ಮತ್ತು ಹವ್ಯಾಸ ಎರಡೂ ಆಗಿದೆ. ಇತ್ತೀಚೆಗೆ ಈಕೆ ಹಲವಾರು ಜಾಗತಿಕ ವೇದಿಕೆಗಳಲ್ಲಿ 2019 ರ ಆಸುಪಾಸಿನಲ್ಲಿ ಮಾಡಿದ ಹಲವು ಭಾಷಣಗಳ ಪುಸ್ತಕ ರೂಪವನ್ನು ಓದಿದೆ. ಆಕೆ ಹೇಳುವ ವಿಜ್ಞಾನ ವಿವರಗಳು ನಿರ್ವಿವಾದ ಆದರೆ “ ನೀವು ದೊಡ್ಡವರು ಹಾಳು ಮಾಡಿದ್ದೀರಿ ಅದರಿಂದಾ ನಾವು ಎಳೆಯರು ಶಾಲೆ ಬಿಟ್ಟು ಬೀದಿಗೆ ಬೀಳುವಂತಾಗಿದೆ ! “ , “ ನಿಮಗೆ ಲಾಭ ಮಾತ್ರ ಮುಖ್ಯ, ಸುಮ್ಮನೆ ಕಣ್ಣೊರೆಸುವ ತಂತ್ರ ಮಾಡುತ್ತಿರಿ “ , “ you are not panicking, the world is burning and how dare you call us alarmists “ , “ how dare you to steal our childhood “ ಹೀಗೆ ಪಂಕಾನುಪುಂಕವಾಗಿ ಡ್ರಾಮಾಟಿಕ್ ಆಗಿ ಹೇಳುತ್ತಾ ಹೋಗುತ್ತಾಳೆ ಇದು ಕೆಲವರಿಗೆ ಇಷ್ಟವಾಗಿ , ಹಲವರಿಗೆ ಕಿರಿಕಿರಿಯುಂಟು ಮಾಡುತ್ತದೆ!  ಅದೆಲ್ಲಾ ಒತ್ತಟ್ಟಿಗಿಟ್ಟು ಬರಿಯ ಅಂಕಿ ಅಂಶಗಳನ್ನ ನೋಡುವುದಾದರೆ ಆಕೆ ಕ್ಲಿಷ್ಟವಾದ ಅಂಶಗಳನ್ನು ಸರಳವಾಗಿ ವಿವರಿಸುವ ಜಾಣ್ಮೆ ಹೊಂದಿದ್ದಾಳೆ. ಅದಕ್ಕೆ ಅವಳ ಹೆತ್ತವರು, ಶಿಕ್ಷಕರು, ಹಲವು ಪತ್ರಕರ್ತರು ಮತ್ತು ವಿಜ್ಞಾನಿಗಳು ಬೆಂಬಲವಾಗಿದ್ದಾರೆ …ಇದು ...

 ಹಿರಿಯರಾದ ಜಗದೀಶ್ ಕೊಪ್ಪ ಅವರ ಅಂಕಣಗಳನ್ನ ನಾನು ಬಿಡದೆ ಓದುತ್ತೇನೆ. ಅತ್ಯಂತ ತಲಸ್ಪ್ರರ್ಶಿಯಾಗಿ, ವೈವಿಧ್ಯಮಯ ವಿಚಾರಗಳ ಬಗ್ಗೆ ಸರಳವಾಗಿ ಅವರು ಬರೆಯುತ್ತಾರೆ. ಅದು ಪರಿಸರದಿಂದ ಹಿಡಿದು, ಪಟಾಲಂನವರವರೆಗೆ, ಬುದ್ಧನಿಂದ ಹಿಡಿದು ನಕ್ಸಲ್ ಹೋರಾಟದವರೆಗೆ, ಗಾಂಧಿಯಿಂದ ಹಿಡಿದು ಬಂಡವಾಳ ಶಾಹಿಗಳವರೆಗೆ, ಸಬಲೀಕರಣದಿಂದ ಹಿಡಿದು ಸಂಗೀತದ ವರೆಗೆ ವಿಸ್ತಾರವಾಗಿರುತ್ತದೆ. ಕನ್ನಡ ಓದುಗರಿಗೆ ಅಥವಾ ಓದುಗರನ್ನು ಹೀಗೆ ನಾನಾ ವಿಚಾರಗಳ ಬಗ್ಗೆ ಎಜುಕೇಟ್ ಮಾಡಿದವರು ಕಡಿಮೆ ಅದರಲ್ಲಿ ನನಗೆ ಗೊತ್ತಿರುವವರು ಅನಂತ ಚಿನಿವಾರ, ನಾಗೇಶ್ ಹೆಗ್ಡೆ, ಶಿವಸುಂದರ್ ಮುಂತಾದವರು.  ಇಷ್ಟೆಲ್ಲಾ ಹೇಳಲು ಮೊದಲಿಟ್ಟಿದ್ದು ನಾನು ತುಂಬಾ ದಿನದಿಂದ ಓದಬೇಕೆಂದುಕೊಂಡು ಇತ್ತೀಚಿಗೆ ಓದಿದ ಮುಗಿಸಿದ ನಕ್ಸಲ್ ಹೋರಾಟದ ಕುರಿತ ಅವರ “ ಎಂದೂ ಮುಗಿಯದ ಯುದ್ಧ”  ಎಂಬ ಪುಸ್ತಕ. ಇದಕ್ಕೆ ಕರ್ನಾಟಕ ಸಾಹಿತ್ಯ ಪರಿಷತ್ ಪ್ರಶಸ್ತಿ ದೊರಕಿದ್ದು ಇದರ ಘನತೆಗೆ ಸಾಕ್ಷಿ.  ಸಂಪೂರ್ಣವಾಗಿ ನಕ್ಸಲ್ ಇತಿಹಾಸಕ್ಕೆ ಅದರ ಬೆಳವಣಿಗೆಗೆ, ಅವಸಾನಕ್ಕೆ ಕಾರಣವಾದ, ಆಗುತ್ತಿರುವ ವಿಷಯಗಳ ಬಗ್ಗೆ ವಿಸ್ತೃತ ಚರ್ಚೆ ಇಲ್ಲಿ ಕಾಣಬಹುದು. ಮುಖ್ಯವಾಗಿ ಮಧ್ಯ ಭಾರತದ ದಂಡಕಾರಣ್ಯ, ಸಂಯುಕ್ತ ಆಂಧ್ರ, ಬೆಂಗಾಳ, ಒರಿಸ್ಸಾ ಮತ್ತು ಕರ್ನಾಟಕಗಳಲ್ಲಿ ತಲೆ ಎತ್ತಿದ ಮತ್ತು ಅದಕ್ಕೆ ಕಾರಣವಾದ ವಿಷಯಗಳ ಬಗ್ಗೆ ಅಕೆಡೆಮಿಕ್ ಶಿಸ್ತಿನಿಂದ, ಚಿಕಿತ್ಸಕ ನೋಟದಿಂದ, ಪರಿಣಿತ ಪತ್ರಕರ್ತನ ಭಾಷೆಯಲ್ಲಿ ಸರಳ...

 ಈ ಪುಸ್ತಕ ಅನಂತ ನಡೆದು ಬಂದ ಹಾದಿಯ ಸಂಕ್ಷಿಪ್ತ ಕಥನ. ಕೆಲವೆಡೆ ಭಾರವಾಗಿ, ಹಲವೆಡೆ ಹಗುರವಾಗಿ ಸಾಗುವ ಇದು ಯುವ ಬರಹಗಾರನೊಬ್ಬನ ಪ್ರಾಮಾಣಿಕ ಬಿನ್ನಹ.  ಮೊದಲು ತನ್ನ ಬಗ್ಗೆ, ನಂತರ ತನ್ನವರ ಬಗ್ಗೆ, ಕಡೆಯಲ್ಲಿ ತಾನು ಮತ್ತು ಪುಸ್ತಕಗಳ ಬಗ್ಗೆ ಬರೆದಿರುವ ಅಧ್ಯಾಯಗಳಲ್ಲಿ ಹಲವು ಸರಳ ಅನಿಸುವ, ನಮ್ಮದೂ ನಿಮ್ಮದು ಅನ್ನಿಸುವ ಆಗಿರಲೂ ಬಹುದಾದ ವಿಷಯಗಳಿವೆ. ಇವುಗಳಲ್ಲಿ ಅಪ್ಪ, ಅಮ್ಮ, ಗೆಳೆಯ, ಗೆಳತಿ, ಅಣ್ಣ, ಸಮಾಜ, ಶಾಲೆ, ಮಾಸ್ತರು, ಸಿನಿಮಾ, ನಾಟಕ ಎಲ್ಲ ಇಣುಕುತ್ತವೆ. ಕಡೆಯ ಮತ್ತು ಪುಸ್ತಕಗಳ ಬಗೆಗಿನ ಅಧ್ಯಾಯಗಳಲ್ಲಿ ನಮಗೆ ಒಬ್ಬ mature ಆದ ಬರಹಗಾರನೊಬ್ಬ ಕಾಣಸಿಗುತ್ತಾನೆ. ಅಲ್ಲಿ ಕಥೆ ಕಮ್ಮಿಯಾಗಿ ಪುಸ್ತಕಗಳನ್ನು ಹೊರತರುವ, ಮಾರುವ ಸ್ವಂತ ಅನುಭವದ ವಿಚಾರಗಳು ಗಮನ ಸೆಳೆಯುತ್ತವೆ.  ೨೭ ವರ್ಷಕ್ಕೆ ಈತನಿಗೆ ಇಷ್ಟು ತಿಳುವಳಿಕೆ, ಸಂಘಟನಾ ಸಾಮರ್ಥ್ಯ ಇರುವುದು ಕುಶಿಯ ಸಂಗತಿ. ಆದರೂ ಆತನಿಗಿಂತಾ ೧೨ ವರ್ಷಕ್ಕೆ ಹಳಬನಾಗಿ ನಾನು ಹೇಳುವ ಮಾತು,  ಪ್ರಕಟಣೆಯಲ್ಲಿ ಸ್ವಲ್ಪ ಬಿಗಿಯಿರಲಿ !

ಇತ್ತೀಚೆಗೆ ಫಿಕ್ಷನ್ ಓದುವುದು ಕಡಿಮೆ ಮಾಡಿದ್ದರೂ ನಮ್ಮ ಕನ್ನಡದ ಕಥೆಗಳಿಗೆ, ಕಾದಂಬರಿಗಳಿಗೆ ಮನಸ್ಸು ಯಾವಾಗಲೂ ಮಿಡಿಯುತ್ತದೆ. ಇದು ನಮ್ಮ ಜನಗಳ, ಜನಜೀವನದ ನಿರಂತರ ಸಂಬಂಧದ ಹೊಕ್ಕಳುಬಳ್ಳಿ ಎಂದು ನನಗೆ ಎಂದಿಗೂ ಅನ್ನಿಸುತ್ತದೆ.  ಇದನ್ನು ಹೇಳಲು ಕಾರಣ ನಾನು ಓದಿದ ಇತ್ತೀಚಿನ ಪುಸ್ತಕ Poornima Malagimani ಯವರ ಮ್ಯಾಜಿಕ್ ಸೌಟು. ಇದು ಕೃತಿಯ ಮೂಲಕ ನನ್ನ ಅವರ ಮೊದಲ ಪರೋಕ್ಷ ಮಾತುಕತೆಯೂ ಹೌದು.  ಪೂರ್ಣಿಮಾರ ಇಲ್ಲಿನ ಕಥೆಗಳಲ್ಲಿ ಅಲ್ಲಲ್ಲಿ ಸೈಕಾಲಜಿ, ಮ್ಯಾಜಿಕ್ ರಿಯಲಿಸಂ, ಫ್ಯಾಂಟಸಿ, ಬಂಧದಾಚೆಗಿನ ಸಂಬಂಧಗಳು (?), ಮನುಷ್ಯನ ಸಣ್ಣತನಗಳು, ಖಾಲಿತನ, ಹುಚ್ಚಾಟ, ಮುಸುಕಿನ ಗುದ್ದಾಟ, ವಾಂಛೆ, ಸಿನಿಮೀಯ ರೀತಿಯ ತಿರುವುಗಳು, ಭಾಷೆಯ ವೈವಿಧ್ಯತೆ ( ದಾವಣಗೆರೆ- ದುರ್ಗಾ ಒಂದೆಡೆ, ಮಂಡ್ಯ - ಬೆಂಗಳೂರು ಮತ್ತೊಂದೆಡೆ) ಎಲ್ಲವೂ ಒದಗಿ ಬಂದಿವೆ!  ನಾನು ಬಹುವಾಗಿ ಇಷ್ಟ ಪಟ್ಟ “ ಗಂಟು ಕಳ್ಳರು” ಕಥೆ, ಪ್ರಸ್ತುತಿ ಮತ್ತು ಭಾಷೆಯ ದೃಷ್ಟಿಯಿಂದ ಇಲ್ಲಿರುವ ಎಲ್ಲ ಕಥೆಗಳಿಂದಾ ಭಿನ್ನವಾಗಿದೆ. ಇಲ್ಲಿ ಲೇಖಕಿಯ ಬಾಲ್ಯ ಪರಿಸರದ ಗಾಢ ಪ್ರಭಾವವೂ ಇರಬಹುದು, ಅದಕ್ಕೆ ಇದು ನೈಜವು ದಟ್ಟವೂ ಆಗಿದೆ. ಒಟ್ಟಿನಲ್ಲಿ ವೈವಿಧ್ಯ ಪಾತ್ರಗಳು, ವಸ್ತು ಮತ್ತು ನೆರೇಷನ್ನಲ್ಲಿನ ಭಿನ್ನತೆ, ಬೋಲ್ಡ್ ಆದಂತಾ ವಿಷಯಗಳು ಈ ಸಂಕಲನವನ್ನು ಚೇತೋಹಾರಿಯಾಗಿಸಿದೆ.

 ಹರ್ಷರ ಈ ಅನುವಾದ ಅತ್ಯಂತ ಮುತುವರ್ಜಿ ಮತ್ತು ಸಂಯಮದ ಕೃಷಿ ಅನ್ನಿಸಿತು. ಕಾದಂಬರಿಯ ಜರ್ಮನ್ ಹೆಸರು 22 Bahnen ಅಂದರೆ ಬಹುಷ ೨೨ ಸುತ್ತುಗಳು.  ಇಲ್ಲಿ ಈಜುಕೊಳ ಒಂದು ಪ್ರತೀಕವಾಗಿ, ಪಾತ್ರವಾಗಿ, ಮನಸಿನ ಪ್ರೆಷರ್ ಕುಕರ್ನ ಸೀಟಿಯಾಗಿ ಗಮನ ಸೆಳೆಯುತ್ತದೆಯಾದರೂ ಕಡೆಗೂ ಇದು ಹುಡುಗಿಯೊಬ್ಬಳ ಮತ್ತವಳ ಪುಟ್ಟ ತಂಗಿ ಈಡಾಳ ನಡುವಿನ ಪ್ರೀತಿ ಮತ್ತು ಸ್ನೇಹದ ಕಥೆಯಾಗಿದೆ. ಇಲ್ಲಿ ವ್ಯಸನಿ ತಾಯಿ, ಪರಾರಿಯಾದ ತಂದೆ, ಹದಿಹರೆಯದ ಮನಸ್ಥಿತಿ ಎಲ್ಲ ಇದ್ದರೂ ಅದೆಲ್ಲದುದರ ನಡುವೆ ತನ್ನ ಜವಾಬ್ದಾರಿ ಮರೆಯದ ಅಕ್ಕ ಟಿಲ್ಡಾ ಮತ್ತು ಅವಳನ್ನು ಅನುಕರಿಸುವ ಆದರೂ ಸ್ವತಂತ್ಯ್ರ ವ್ಯಕ್ತಿತ್ವದ ಈಡಾರ ಕಥೆಯಾಗಿದೆ. ನನ್ನನ್ನು ಕೇಳಿದರೆ ಜರ್ಮನ್ನಲ್ಲೂ ಇದಕ್ಕೆ ಸೂಕ್ತ ಹೆಸರು “ ನನ್ನ ತಂಗಿ ಈಡಾ” ಎಂದೇ ಹೇಳುವೆ. ಇದು ಹರ್ಷನ ಅನುವಾದದ ಮೊದಲ ಗೆಲುವು ಎಂಬುದು ನನ್ನ ಬಲವಾದ ನಂಬುಗೆ.  ಕ್ಯಾರೋಲಿನ್ ವಾಲ್ ನ ಈ ಕಾದಂಬರಿಯಲ್ಲಿ ಎಲ್ಲಕ್ಕೂ ಜೀವ ಬಂದಿದೆ ಅನ್ನಿಸುತ್ತದೆ. ಇದು ಜರ್ಮನ್ನರು ಭಾವನಾ ರಹಿತರು (ಕಾಫ್ಕಾನ ಕ್ಷಮೆ ಕೇಳುತ್ತಾ !) ಎಂಬ ನನ್ನ ಸಂಕುಚಿತ ದೃಷ್ಟಿಯನ್ನು ಹೊಡೆದು ಉರುಳಿಸಿದೆ. ಅದು ಅನುವಾದದಲ್ಲೂ ತುಂಬಾ ಚೆನ್ನಾಗಿ ಆವಿರ್ಭವಿಸಿದೆ.  ಕಾದಂಬರಿಯಲ್ಲಿ ಬರುವ ಹಲವು ಮಾತುಕಥೆ ಸನ್ನಿವೇಶಗಳನ್ನು ಹರ್ಷ ನಾಟಕಗಳಲ್ಲಿ ಮಾಡುವ ಹಾಗೆ ಆಯಾ ಪಾತ್ರದ ಹೆಸರು ಕೊಟ್ಟು ಅನುವಾದಿಸಿರುವುದು, ಅಕ್ಕ ತಂಗಿಯ ಮಧ್ಯೆ ಬರುವ ಸಿಹಿಯಾದ ಸನ್ನಿವೇಶಗಳನ...