Bengaluru by Jogi

 

ಬೆಂಗಳೂರು by JOGI …….

ಜೋಗಿಯವರ ಪುಸ್ತಕಗಳನ್ನು ನಾನು ವರ್ಷಕ್ಕೆ ಒಂದಾದರೂ ಓದುತ್ತೇನೆ. 

ಅವರ ಬರವಣಿಗೆ ಕಾಂಟೆಂಪರರಿಯಾಗಿಯೂ, ಸರಳವಾಗಿಯೂ ಮತ್ತು ಅಲ್ಲಲ್ಲಿ ವಿಕ್ಷಿಪ್ತವಾಗಿಯೂ ಇರುತ್ತವೆ. ಅಂದಕಾಲತ್ತಿಲ್ ಅವರ ಜೋಗಿ ಕಾಲಂ ಓದಿ ಓದಿ ಬೆಳೆದವರಾದ ನಮಗೆ, ಇವರು ಇಷ್ಟು ಸರಳವಾಗಿ ಕಥೆ ಕಾದಂಬರಿ ಬರೆಯಬಲ್ಲರ, ಎಂದು ಅಚ್ಚರಿಯಾಗುವುದು ಖಚಿತ! 

ಅವರು ಬೆಂಗಳೂರಿನ ಬಗ್ಗೆ ಬರೆದಿರುವ ಬಹುಪಾಲು ಪುಸ್ತಕಗಳನ್ನು ನಾನು ಓದಿದ್ದೇನೆ ಮತ್ತು ಮೇಲೆ ಹೇಳಿದ ಎಲ್ಲ ಮಾತುಗಳೂ ಈ ಬರವಣಿಗೆಗೆ ಹೆಚ್ಚು ಸೂಕ್ತ ಎಂದು ಯಾವಾಗಲೂ ನನಗೆ ಅನಿಸುತ್ತದೆ. ಆದರೂ ಅವರ ಮಹಾನಗರಗಳ ಬಗೆಗಿನ ಕೆಲವು ಅಭಿಪ್ರಾಯಗಳಿಗೆ ನನ್ನ ತಕರಾರಿದೆ ! 

ಸದರಿ ಕೃತಿ “ ಬೆಂಗಳೂರು “ ಓದಿದ ಮೇಲೆ ಒಂಥರಾ “ಅಸಂಗತ” ಅನ್ನಿಸುವಂಥ ಭಾವ ಮೂಡಿತು. 

ಆದರೆ the stranger ನ ಥರಹ ಅಲ್ಲ. 

ಅಲ್ಲಿ ಕಮೂನ ನಾಯಕ ಮಾಡುವ ಕ್ರಿಯೆಗೆ ಕಾರಣವೇ ಇಲ್ಲ, ಅದು ಯಾಕಿಲ್ಲ ಅಂತ ಅವನಿಗೇ ಅನುಮಾನ ! ಆದರೆ ಇಲ್ಲಿ ಎಲ್ಲದಕ್ಕೂ ಕಾರಣ ಇದೆ ಅಥವಾ “ ಕಥಾನಾಯಕ” ಹಾಗೆ ನಂಬಿದ್ದಾನೆ, ವಿಶೇಷ ಅಂದರೆ ಆ ಕಾರಣ ದಶಕಗಳ ಕಾಲ ಕಾವು ಉಳಿಸಿಕೊಂಡಿದೆ. ಆದರದಕ್ಕೆ ಯಾರೋ ಬಲಿಯಾಗಿದ್ದಾರೆ ಕಾರಣವಿಲ್ಲದೇ, ಅದಕ್ಕೆ ಅಸಂಗತ ಭಾವ ಅಂದಿದ್ದು. 

ಇಲ್ಲಿ ಬರುವ ಪಾತ್ರಗಳಾದ ಮಂಗಳಾ ಮೂರ್ತಿ ಬೆಂಗಳೂರನ್ನ ರೆಪ್ರೆಸೆಂಟ್ ಮಾಡ್ತಾಳೆ, ಒಂದು ಸೆಳೆತದಂತೆ , ಸರೋಜಿನಿ conscience ಅನ್ನ, ನಾಗರಾಜ ಮೂರ್ತಿ ಬದುಕುವ ದಾರಿ ಕಂಡುಕೊಳ್ಳೋದನ್ನ, ಕಥಾನಾಯಕನ ಅಮ್ಮ ಕ್ರಿಟಿಕ್ ಮತ್ತು ಅಕ್ಕ a blot in his heart ಅನ್ನಿಸುತ್ತದೆ ! ಅಪ್ಪ ಯಾರನ್ನ ಅಂತ ಯೋಚಿಸುತ್ತಿದ್ದೆ- ತಟ್ಟನೆ ಅನ್ನಿಸಿದ್ದು ಇವನೇ ಅವನ ಅಪ್ಪ  ಇರಬಹುದೆಂದು ——- ಹುಚ್ಚ, ವ್ಯಾಮೋಹಿ, ಸೆಲ್ಫಿಶ್, ಕ್ರೂರಿ, ವ್ಯಸನಿ ಇತ್ಯಾದಿ . ಸ್ನೇಹಿತರೇ ಸಮಾಜ ಅಂತ!

ಯಾಕೋ ಈ ಕೃತಿ ವಿಮರ್ಶಕರಿಗೆ ಮತ್ತು ಸಾಮಾನ್ಯ ಓದುಗರಿಗೆ ಇಬ್ಬರಿಗೂ ಹೇಳಿ ಮಾಡಿಸಿದಂತಿದೆ ಅನ್ನಿಸಿತು. ಕೆರೆಯೋಕೆ ಹುಣ್ಣು- ಕೆರೆದಷ್ಟೂ ಹುಣ್ಣು.